Натиҷаи кори кишоварзон

Душанбе, 18 июл. (АМИТ «Ховар», Лаззат Диловарзод).-Дар нишасти матбуотие, ки дар Вазорати кишоварзӣ доир шуд, муовини вазир Сиҷоуддин Исроилов иброз дошт, ки ҳаҷми умумии маҳсулоти кишоварзӣ дар нимсолаи аввали соли ҷорӣ ба 3 млрд.724,4 млн. сомонӣ расида, нисбат ба ҳамин давраи соли гузашта 6,5 фоиз зиёд аст. Муовини вазир омили зиёдшавии ҳаҷми умумии маҳсулотро дар афзоиши истеҳсоли маҳсулоти кишоварзӣ маънидод намуд. Тибқи маълумоти пешниҳод намудаи С.Исроилов, дар шаш моҳи аввали соли ҷорӣ истеҳсоли ғалла ба 372 ҳазору 254 тонна, сабзавот ба 241 ҳазору 988 тонна, полезиҳо ба 93 ҳазору 249 тонна, картошка ба 162 ҳазору 970 тонна, мева ба 46 ҳазору -118, ангур ба 1 ҳазору- 313 , гӯшт ба 54750 тонна, шир ба 290 ҳазору 130 тонна, тухм ба 134,1 млн. дона расонида шудааст.