Нишасти матбуотӣ дар Ҳисор
Ҳисор, 10 июл. (АМИТ «Ховар», Ҳотам Рабиев).- Кулли тадбирҳо андешида шуд, ки корҳои ободонию созандагӣ бахшида ба 3-ҳазорсолагии Ҳисор оғоз ёбад,-иброз дошт зимни нишасти матбуотӣ раиси ноҳияи Ҳисор, узви Маҷлиси миллии Маҷлиси Олии Ҷумҳурии Тоҷикистон Баҳриддин Солеҳов.Айни ҳол дар доираи нақшаи генералӣ барои лоиҳакашии иншоотҳои ҷашнӣ, аз ҷумла мактаби таҳсилоти миёнаи умумӣ барои 640 нафар хонанда, литсей-гимназияи Президентӣ барои 250 хонанда, Кохи фарҳангӣ барои 700 ҷойи нишаст, бунёди Маҷмааи варзишӣ барои 20 ҳазор ҷойи нишаст дар масоҳати 16 гектар, боғи фарҳангӣ бо чойхонаи миллӣ дар масоҳати 20 гектар ва бозори масолеҳи сохтмонӣ дар масоҳати 18 гектар қарорҳои раиси ноҳия омода шудаанд, ки дар асоси он корҳои сохтмонӣ оғоз гардидаанд. Ҳоло дар ноҳия сохтмони 10 адад биноҳо амалӣ гашта истодаанд ва сохтмони 10 адад бинову иншоотҳои дигар ба нақша гирифта шудааст. Корҳои омӯзишӣ дар теппаи Тӯпхона ва Қалъаи Ҳисор оғоз шуда ҳоло идома дорад. Бостоншиносон аз Тӯпхона сағонае, ки ба давраи Кӯшониён тааллуқ дорад, дарёфт карданд, ки ин ёдгорӣ яке аз ёдгориҳои пурарзиштарин ба ҳисоб рафта, аз сангу гаҷ дар се қабат сохта шудааст.Дар ҷараёни нишасти матбуотӣ, ки муовинони раис мудирони шӯъбаҳо ва роҳбарони ташкилоту муассисаҳо ҳузур доштанд хабарнигорон ба саволҳои сершумори худ ҷавобҳои қаноатбахш гирифтанд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






