Ноболиғ дар мавзеъи истироҳатгоҳ ғарқ шуд

Душанбе, 2 июл. (АМИТ «Ховар», Лутфия Эшонқулова)- 1 нафар истиқоматкунандаи ноболиғи ноҳияи Бобоҷон Ғафуров ҳангоми оббозӣ кардан дар мавзеи истироҳатгоҳи «Роҳи оҳан»-и обанбори Қайроқум ғарқ мешавад.
Тавре ки ба АМИТ «Ховар» сардори маркази матбуоти Кумитаи ҳолатҳои фавқулодда ва мудофиаи граждании ҷумҳурӣ Ориф Нозимов иттилоъ дод, аз ҷониби наҷотдиҳандагони дастаи зудамали Ситоди вилояти Суғд баъди 2,5 соати ҳодиса ҷасад ёфта, ба сохторҳои дахлдор супорида шуд.Ёдовар мешавем, ки аз аввали сол то имрӯз дар қаламрави ҷумҳурӣ бинобар сабаби риоя накардани қоидаҳои шиноварӣ ҳангоми оббозӣ, фаромадани тарма, ярч, сангрез, боришоти боронҳои зиёд ва омадани сел 25 нафар ба ҳалокат расиданд.