О. Оқилов: «Ба зимистон пурра омода шавед»

Июль 27, 2012 11:14

Душанбе, 27 июл. (АМИТ «Ховар», Дилшодаи Хайруллоҳ).- Имрӯз дар ҳузури Сарвазири мамлакат Оқил Оқилов оид ба масъалаи омодагӣ ва дар сатҳи зарурӣ гузаронидани давраи тирамоҳу зимистони солҳои 2012 – 2013 машварати корӣ баргузор гардид.Тавре ки таъкид шуд, масъалаи ба таври мӯътадил ва дар сатҳи зарурӣ гузаронидани тирамоҳу зимистони солҳои 2012 – 2013 дар мадди назари роҳбарияти давлату ҳукумати Ҷумҳурии Тоҷикистон қарор дошта, бо ин мақсад қарори ҳукумати мамлакат ва нақшаи чорабиниҳо «Дар бораи сари вақт омода кардани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2012 – 2013» таҳия ва қабул гардидааст. Оқил Оқилов таъкид намуд, ки имконияту захираҳои мавҷуда барои дар сатҳи зарурӣ ва бе мушкилот гузаронидани давраи тирамоҳу зимистони дар пеш истода самаранок истифода гардида, барои ба пуррагӣ омода намудани тамоми соҳаҳои хоҷагии халқи мамлакат ба давраи тирамоҳу зимистон тадбирҳои саривақтӣ андешида шавад. Дар машварат роҳбарони вазорату идораҳои мамлакат вазифадор гардиданд, ки кори мунтазами ситодҳои фаврии амалкунандаро дар давраи тирамоҳу зимистони солҳои 2012-2013 таъмин намуда, барои таъмини хоҷагии халқ ва аҳолии мамлакат бо барқу гармӣ, афзун намудани шумораи нуқтаҳои фурӯши гази моеъ ва ангиштсанг, таъмиру барқарорсозии дастгоҳу таҷҳизоти системаи энергетикии ҷумҳурӣ ва омода намудани воситаҳои техникию нақлиёти роҳу роҳсозии мамлакат тадбирҳои бетаъхир андешанд.

Июль 27, 2012 11:14

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд