Озмоишгоҳи нав дар ноҳияи Фархор

Фархор, 4 июл. (АМИТ «Ховар», С.Холов). – Озмоишгоҳи биологӣ бо дастгирии Ҳукумати Ҷумҳурии Тоҷикистон, Вазорати кишоварзӣ ва мақомоти иҷроияи ҳокимияти давлатӣ аз чониби ширкати ҷамъияти дорои масъулияташ маҳдуди «Яҳё» бо харҷи 1 – миллиону 200 – ҳазор сомонӣ бунёд гардида, он бо таъмини шароити лозима мавриди истифода қарор дода шуд.Дар озмоишгоҳи биологӣ айни ҳол даҳ нафар мутахассисон ба кор ҷалб гардида, пас аз омӯзиш ва бо иқтидори пурраи корӣ ба роҳ мондани фаъолияти он боз 20 – нафар мутахассисон бо ҷои кори доимӣ фаро гирифта мешаванд. Дар хоҷагиҳои ноҳияи Фархор аз ҳисоби пурсамар истифода бурдани ҳар як қитъа замини корам номгӯи истеҳсоли маҳсулот сол аз сол зиёд мегардад.