Проблемаи нарасидани омӯзгорони фанни суруд

Душанбе,13-июл. ( АМИТ «Ховар», Меҳрубон Сатторова )- Донишкадаи давлатии санъати Тоҷикистон ба номи Мирзо Турсунзодаро дар соли хониши гузашта 271 нафар хатм намуданд. Имрӯз бо хабарнигорон зимни нишасти матбуотӣ Ректори донишкада Аслиддин Низомов иброз дошт, ки шартномаҳои ҳамкорӣ бо Донишгоҳу донишкадаҳои олии фарҳангу ҳунари шаҳрҳои Москва, Санкт-Петербург, Перм, Брянск, Якутск, Украина, Қирғизистон, Туркманистон ва Қазоқистон баста шудааст. Соли хониши 2011-2012 дар донишкада тибқи квотаи президентӣ 116 нафар донишҷӯён таҳсил доштанд. Аз ин 20 нафар дар хобгоҳи президентӣ, 8 нафар духтарон дар хобгоҳи шаҳраки Гипрозем ва аксарияти донишҷӯёни тибқи квота дохил шуда, дар хобгоҳи донишкада зиндагӣ мекунанд. .Ҳамасола ин донишкадаро донишҷӯёни зиёд хатм менамоянд, аммо бо сабабҳои номаълум проблемаи нарасоии муаллимони фанни суруд ҳалли худро намеёбад.