Рамазон нархи маҳсулотро паст фаровард

Душанбе, 18 июл. (АМИТ «Ховар», Мавҷуда Анварӣ). – Имрўз дар шафати бинои Вазорати корҳои дохилӣ бахшида ба фаро расидани моҳи шарифи Рамазон ярмарка-фурӯши маҳсулоти кищоварзӣ гузаронида шуд. Ярмарка бо ташаббуси роҳбарияти Вазорати корҳои дохилии ҷумҳурӣ ташкил гардид. Маҳсулоти хӯрокворие, ки дар ярмарка ба фурӯш бароварда шуд, дар муқоиса бо нархи бозор аз 20 то 30 фисад арзон буд.  Ташкилкунандагони чорабинӣ зикр намуданд, ки кӯшиш менамоянд, то шумораи чунин ярмаркаҳоро бештар намоянд, зеро маҳсулоти овардашуда аз ҳисоби хоҷагиҳои ёрирасони Вазорати корҳои дохилӣ ба даст омада, ҳоҷагидорони ёрирасони вазорат ният доранд, ки кормандонашоно бо маҳсулоти худӣ ва арзон таъмин намоянд.