Раванди бўҳрони молӣ дар Италия

Душанбе, 24 июл. (АМИТ «Ховар»).-Дар Италия раванди бўҳрони молӣ эҳсос мешавад. Бино ба иттилои Вазорати меҳнати ин кишвар давоми 4 соли охир дар пайи бўҳрони молиявӣ 1 миллион нафар шуғли доимии худро аз даст дода, ба рўйхати бекорон шомил шудаанд. Ин теъдод бар асари варшикастагӣ ва барҳам хӯрдани корхонаву ширкатҳо ва ихтисори кормандон ба амал омадааст. Аксари сокинони Италия ба беҳтар гардидани вазъи иқтисодию иҷтимоии мамлакат тайи чанд соли дигар эътимоди қавӣ надоранд. Идомаи бекорӣ сокинонро водор месозад, ки бо мақсади пайдо кардани шуғли доимӣ ба хориҷи кишвар сафар кунанд. Тарҷумон Иброҳими Ҳабибуллоҳ