Раванди корҳои илмии Академия кишоварзӣ

Душанбе, 13 июл. (АМИТ «Ховар», Лаззат Диловарзод).- Дар айни замон ба сохтори Академияи илмҳои кишоварзӣ 6 Пажӯҳишгоҳи илмии соҳавӣ (зироаткорӣ, боғпарварию сабзавоткорӣ, хокшиносӣ, чорводорӣ, ветеринарӣ, иқтисодиёти кишоварзӣ), Маркази миллии ҷумҳуриявии захираҳои генетикӣ, Стансияи таҷрибавии кишоварзии Помир ва Корхонаи илмию истеҳсолии «Маводи биологӣ» шомиланд,- иброз дошт президенти Академияи илмҳои кишоварзии Тоҷикистон Ҳукматулло Аҳмадов ба мухбири АМИТ «Ховар».Ба иттилои манбаъ, дар муассисаҳои мазкур 428 ходими илмӣ, аз ҷумла 25 доктори илм, 128 номзади илм, 6 академик ва 9 аъзои вобастаи АИКТ ба таҳқиқоти илмӣ машғуланд.Раванди корҳои илмии Академия барои ҳалли масъалаҳои рӯзмараи таъминоти илмии рушди соҳаи кишоварзӣ дар заминаи 77 мавзӯи илмию таҳқиқотӣ пеш меравад.Дар нимсолаи аввали соли 2012 аз рӯи барномаҳои тасдиқгардида, корҳои илмӣ-таҷрибавӣ дар филиалу стансияҳо, пойгоҳҳои илмию хоҷагиҳои таҷрибавии минтақаҳои ҷумҳурӣ амалӣ гардида, натиҷаи корҳо қаноатбахш аст,-афзуд академик Ҳ. Аҳмадов.