Роҳандозии «Соати экологӣ»
Душанбе, 13 июл.(АМИТ «Ховар», Марзия Саидова).-Вакилони шаҳрӣ пешниҳоди раиси Маҷлиси вакилони халқи шаҳри Душанбе Маҳмадсаид Убайдуллоев дар мавриди роҳандозии «Соати экологӣ» дар пойтахтро ҷонибдорӣ намуданд. Дар робита ба ин рўзҳои чоршанбеи ҳар ҳафта дар ҳудуди корхонаву муассисаҳо, биноҳои истиқоматию шаҳраку маҳаллаҳои пойтахт бо ҷалби роҳбарият ва кормандони субъектҳои хоҷагидорӣ ва сокинони биноҳои баландошёнаи истиқоматӣ «Соати экологӣ» гузаронида мешавад, иттилоъ медиҳад Шавкат Саидов, котиби матбуотии раиси шаҳри Душанбе. Ҳадафи ба роҳ мондани «Соати экологӣ» дар пойтахт баланд бардоштани фарҳанги шаҳрнишинию шаҳрдорӣ, хизматрасонии коммуналию пардохти ҳаққи истифодаи онҳо, беҳдошти ҳолати экологию санитарӣ, таъмини ҳифзи муҳити зист ва тақвияти фарҳанги экологӣ дар шаҳр аст. «Соати экологӣ» бо риояи талаботи қонунгузорӣ ва интихоби вақти мувофиқ, ки ба раванди коргузорию истеҳсолот халал ворид намекунад, ба таври ҳатмӣ гузаронида мешавад.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
