Роҳи «Саховат» кай боз мегардад?

Июль 27, 2012 13:10

Душанбе, 27 июл.(АМИТ «Ховар», Марзия Саидова).-Моҳи сентябри соли равон роҳи мошингарди болои гузаргоҳи зеризаминии пиёдагардон, воқеъ дар кўчаи Неъмат Қарабоев, назди бозори «Саховат», ки имрўзҳо сохтмонаш идома дорад, ба истифода дода мешавад. Насрулло Хайруллоев, муовини аввали раиси шаҳри Душанбе мегўяд: «Алҳол дар сохтмони гузаргоҳ 80 нафар мутахассис ба таври шабонарўзӣ кор карда истодааст. Бояд тазаккур дод, ки гузаргоҳи мазкур на танҳо дар пойтахт, балки дар ҷумҳурӣ калонтарин гузаргоҳ маҳсуб ёфта, масоҳати умумиаш 2266 метри мураббаъ, дарозиаш 60,7 метр, паҳнояш 12 метру 80 сантиметр ва баландиаш 3 метр буда, дорои 10 адад зинапоя аст. Ҳамзамон дар он 25 нуқтаи савдо, 1 нуқтаи нозири минтақавӣ ва 2 нуқтаи хизматрасонии муҳандисӣ бунёд карда мешавад. Корҳои сохтмонӣ дар иншооти мазкур моҳи май шурўъ гардида, маблағи умумии сохтмони гузаргоҳ 19 миллион сомониро ташкил медиҳад. Лоиҳаи гузаргоҳ аз сўи корхонаи воҳиди давлатии «Пажўҳишгоҳи илмию тадқиқотӣ ва лоиҳакашию кофтуковӣ»-и Вазорати нақлиёт ва коммунтикатсияи кишвар таҳия гардида, фармоишгари он Муассисаи давлатии «Раёсати сохтмони асосии шаҳри Душанбе мебошад. Интизор меравад, ки корҳои сохтмонӣ то охири соли равон дар ин иншоот ба анҷом расида, гузаргоҳ мавриди истифода қарор дода мешавад.

Июль 27, 2012 13:10

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд