Судя Нур Нуров бозхонд шуд

Душанбе, 19 июл.(АМИТ «Ховар», Марзия Саидова).-Бо пешниҳоди Президенти Ҷумҳурии Тоҷикистон Эмомалӣ Раҳмон Нур Нуров- судяи Суди Олии ҷумҳурӣ 18 июл дар иҷлосияи даҳуми Маҷлиси миллии Маҷлиси Олии Ҷумҳурии Тоҷикистон аз вазифаи судяи Суди Олии Ҷумҳурии Тоҷикистон бозхонд гардид. Бояд зикр кард, ки 14 июни соли равон аъзои Маҷлиси миллӣ дар иҷлосияи нўҳуми палатаи болоии парлумони мамлакат доир ба пешниҳоди Прокурори генералии Ҷумҳурии Тоҷикистон Салимзода Шерхони Одина барои ба ҷавобгарии ҷиноятӣ кашидан ва ба ҳангоми зарурат ба ҳабс гирифтани судяи Суди Олии ҷумҳурӣ Нур Нуров ризоият дода буд. Масъалаи ба ҷавобгарии ҷиноӣ ва ҳангоми зарурат ба ҳабс гирифтани судяи Суди Олии ҷумҳурӣ Нур Нуров ба қазияи Низомхон Ҷўраев, собиқ директори корхонаи кимиёи шаҳри Исфара ё худ парвандаи 33 нафар исфарагиҳо рабт дошт.