Тағйири ном кардани бархе аз маҳалҳои аҳолинишини кишвар
Душанбе, 20 июл.(АМИТ «Ховар», Марзия Саидова).- Тибқи пешниҳодҳои Ҳукумати Ҷумҳурии Тоҷикистон, Маҷлисҳои вакилони халқи вилоятҳои Суғду Хатлон, Вилояти Мухтори Кўҳистони Бадахшон ва шаҳри Ваҳдат номи бархе аз маҳалҳои аҳолинишини минтақаҳои мазкур тағйир дода шуд. Дар ин хусус аъзои Маҷлиси миллӣ дар иҷлосияи даҳуми палатаи болоии парлумони мамлакат қарорҳои марбута қабул намуданд. Аз ҷумла, номи деҳаи Тӯятоши шаҳри Сарбанд ба Истиқлол, деҳаҳои Одоқ-Қайнар, Эшма-Боғ ва Эшмаи ноҳияи Ёвон ба деҳаи Наврўз, Баҳор ва Пахтакор табдил гардиданд. Ҳамзамон номи деҳаҳои Каскана, Қаромазор, Замбарак ва Тариэкани шаҳри Қайроққуми вилояти Суғд ба Навобод, Зарчашма, Гулшан ва Гулдара табдил дода шуданд. Деҳаҳои мазкур дар ҳудуди шаҳракҳои Зарнисор ва Адрасмон воқеанд.Ҳамзамон номи деҳоти Тавдеми ноҳияи Роштқалъа ба номи Гадолиев Қурбоншо, деҳоти Ишкошими ноҳияи Ишкошим ба номи деҳоти Рустамбек Юсуфбек, деҳоти Сохчарв ва Дарморахти ноҳияи Шуғнон ба номи деҳоти Мирзоҷон Ширинҷонов ва Ғарибшо Шаҳбозов ва номи деҳоти Ванҷи ноҳияи Ванҷ ба номи Маҳмадулло Абдуллоев тағйир дода шуд.Инчунин номи деҳоти Дўстии шаҳри Ваҳдат ба номи Карим Исмоилов табдил карда шуд. Мамадшо Илолов-раиси Кумитаи Маҷлиси миллӣ зимни тавзеҳи масъалаҳои марбут ба сохти марзиву маъмурӣ гуфт, ки мақсад аз тағйири номи маҳалҳои аҳолинишини минтақаҳои мазкур гиромидошти таъриху фарҳанги кишвар, Истиқлолияти давлатӣ, тоза нигоҳ доштани забони давлатӣ, абадӣ гардонидани хотираи неки шахсиятҳои барўманду хизматнишондодаи диёр ва нишони арҷгузорӣ ба меҳнати софдилонаи онҳост.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






