Тақдими унвонҳои фахрӣ баҳри пешбурди варзиш

Душанбе, 26 июл. (АМИТ «Ховар», Фирӯза Давлатова).- Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади баланд бардоштани варзиш дар кишвар ба устодони ин соҳа унвонҳои фахрӣ тақдим намуд. Унвонҳои фахрии варзишӣ ва дараҷаҳои тахассусӣ мутобиқи Қонуни Ҷумҳурии Тоҷикистон «Дар бораи тарбияи ҷисмонӣ ва варзиш», низомномаҳо оид ба унвонҳои фахрии «Устоди варзиши Ҷумҳурии Тоҷикистон», «Устоди варзиши дараҷаи байналмилалӣ», «Устоди шоистаи варзиши Ҷумҳурии Тоҷикистон», «Мураббии шоистаи варзиши Ҷумҳурии Тоҷикистон», «Корманди шоистаи тарбияи ҷисмонӣ ва варзиши Ҷумҳурии Тоҷикистон», «Мураббии тахассуси дараҷаи якум», «Мураббии дараҷаи олӣ» ва «Довари дараҷаи ҷумҳуриявӣ» дода мешаванд. Мавриди зикр аст, ки бо унвонҳо устодон ва мураббияҳои тамоми манотиқи кишвар сарфароз гардиданд.