Таҷлили иди касбии кормандони БДА

Душанбе, 4 июл. (АМИТ «Ховар», Мавҷуда Анварӣ). – Ҳамасола 3 июл ҳамчун рӯзи таъсисёбӣ ва ташкили Раёсати бозрасии давлатии автомобилии мақомоти корҳои дохилӣ аст, ҳамчун иди касбии кормандони ин бахш таҷлил мегардад. Бахшида ба ин сана дирӯз дар РБДА ВКД чорабинии бошукӯҳ доир гардид. Вазири корҳои дохилии кишвар Рамазон Раҳимов кормандони Бозрасии давлатии автомобилиро бо иди касбиашон табрик гуфта, аз дастоварду натиҷаҳои хизматиашон ёдовар гардид.Аз ҷумла зикр шуд, ки ба забони давлатӣ тайёр кардани шаҳодатномаи ронандагӣ ва варақаҳои бақайдгирӣ, ба талаботи меъёрҳои байналмиллалии бехатарӣ ҷавобгӯй намудани аломатҳои бақайдгирии воситаҳои нақлиёт, бо техникаи замонавӣ, алалхусус дастгоҳҳои суръатсанҷи замонавӣ, санҷиши нургузаронии шишаи нақлиёт, ишорачӯбҳои ҷилодиҳанда, инчунин аз ҳисоби автомашинаҳои ҳозиразамон муҷҷаҳаз гардонидани парки автомобилӣ, аз дастовардҳое буданд, ки ба беҳдошти фаъолияти кормандони БДА мусоидат намуданд.Бахшида ба ин сана дар бинои Раёсати БДА ошёнаи 4- ум ба истифода дода шуд, ки аз ду толори машваратӣ ва маҷлисгоҳ, толори варзишӣ, ҳуҷраи тестӣ ва 8 ҳуҷраи хизматӣ бо тамоми таҷҳизот иборат мебошад.