Таърихнигори маъруф даргузашт

Душанбе, 19 июл. (АМИТ «Ховар», Мавҷуда Анварӣ). – Профессор Мансур Бобохонов, таърихнигори маъруфи тоҷик бар асари бемории тӯлонӣ дар синни 81- солагӣ дар шаҳри Душанбе даргузашт.
Тибқи иттилои пайвандон М. Бобохонов муддати тӯлонӣ аз бемории саратон ранҷ мебурд. Мансур Бобохонов аз чеҳраҳои барҷастаи илм ва маъруфтарин донишманди таъриху фарҳанг, иқтисод, сиёсат ва ҳамчунин аз пажӯҳишгарони умдаи ҷамъияти тоҷикони бурунмарзӣ ба шумор мерафт.Ӯ дар солҳои 1965-1982 вазифаи ректори Донишкадаи таърих ва адабиёти Донишгоҳи давлатии Тоҷикистонро бар ӯҳда дошт.Профессор Бобохонов ҳамчунин узви пайвастаи Фарҳангистони омӯзгорӣ (педагогӣ) ва ҷомеашиносии Русия буда, муаллифи беш аз 400 асари илмӣ, аз ҷумла ҳашт рисолаи илмӣ ва даҳ китоби дарсӣ маҳсуб мешавад.