Тармими шӯъбачаи минтақавии милитсияи Шоҳмансур

Душанбе, 4 июл. (АМИТ «Ховар», Мавҷуда Анварӣ). — Дирӯз дар кӯчаи Титови ноҳияи Шоҳмансур боз як шӯъбачаи минтақавии милитсия барои нозирони минтақавӣ таъмиру тармим карда шуда, ба истифода дода шуд.Тавре ки аз Вазорати корҳои дохилии кишвар ба АМИТ «Ховар» иттилоъ доданд, ҳуҷраҳои кори ин шӯъбача бо тамоми ашёҳои зарурӣ аз қабили мизу курсӣ, компютер, воситаҳои алоқа муҷаҳҳаз шудааст. Вазири корҳои дохилии ҷумҳурӣ Рамазон Раҳимов аз тарзу сифати таъмири бино дидан намуда, аз кормандон, бахусус нозирони минтақавӣ дар ҷодаи ин кори пурмасъулият поквиҷдонӣ, дили гарму эҳсосоти баланди ватандорӣ ва масъулияти баланд талаб намуд.