Ташкили гурӯҳи тафтишотӣ нисбат ба куштори А. Назаров

Душанбе, 23 июл. (АМИТ «Ховар», Лутфия Эшонқулова). — «Нисбат ба куштори генерал Абдулло Назаров аз рӯи моддаҳои 104, 199 қисми 4 а,б, ва 328 қисми 2-и Кодекси ҷиноии ҶТ парвандаи ҷиноӣ боз шуда, тафтишот идома дорад», — иттилоъ дод зимни нишасти матбуотӣ 23 июл прокурори генералии Тоҷикистон Шерхон Салимзода. Вай афзуд, ки дар шаҳри Хоруғ бо сарварии муовини прокурори генералӣ – сарпрокурори ҳарбии Тоҷикистон Хайрулло Саидов гурӯҳи тафтишотӣ ташкил шуда, корҳои тафтишотӣ-ҷустуҷӯӣ идома доранд. Бояд гуфт, ки куштори генерал А. Назаров ба фаъолияти касбии ӯ марбут дониста шуда, зоҳиран бо мақсади рӯйпӯш намудани ҷиноят содир шудааст.