Ташрифи хабарнигорони маҷаллаи бонуфузтарини Аврупо ба ҶТ

Душанбе, 18 июл. (АМИТ «Ховар», Лутфия Эшонқулова).-Хабарнигорони маҷаллаи бонуфузтарини сиёсию иқтисодии Итттиҳоди Аврупо «The European Times» дар айни замон дар Ҷумҳурии Тоҷикистон бо мақсади омода намудани мавод оид ба Тоҷикистон барои нашри навбатии маҷаллаи худ қарор доранд.Барои ҷамъоварии мавод, муаррифӣ ва ташаккули афкори мусбат дар ҷомеаи Аврупо дар бораи Тоҷикистон хабарнигорони маҷалла бо ҳамкасбони тоҷикистонии худ мулоқоти мақсаднок мегузаронанд.Аз ҷумла имрӯз, 18 июл ин хабарнигорон бо директори Агентии миллии иттилоотии Тоҷикистон «Ховар» Садриддин Шамсуддинов вохӯрӣ доир намуда, дар бораи ҳаёти сиёсӣ, иҷтимоӣ ва фарҳангии Тоҷикистон мубодилаи афкор намуданд.Бояд қайд кард ,ки маҷаллаи «The European Times» аз маҷаллаҳои шинохтаи Аврупо буда, зиёда аз 410 ҳазор хонандаи доимӣ дорад .Яке аз вазифаҳои маҷалла ҷалби диққати сармоягузорон ба соҳаҳои асосии пешбарандаи иқтисодиёти ин ё он мамлакат, ба монанди молия, бонк, тиҷорату саноат, тандурустӣ, телекоммуникатсия, нақлиёт, логистика ва инчунин туризм мебошад.