Вакилон ба таътил баромаданд

Душанбе, 2 июл.(АМИТ «Ховар», Марзия Саидова).-Вакилони палатаи поёнии парлумони Тоҷикистон –Маҷлиси намояндагон шурўъ аз имрўз ба таътили тобистона баромаданд. Вакилон дар доираи таътили тобистона, ки он се моҳ идома меёбад, ҳамзамон бо интихобкунандагони худ дар минтақаҳои гуногуни мамлакат вохўрию сўҳбатҳо мегузаронанд. Тавре аз палатаи поёнии парлумони кишвар ба АМИТ «Ховар» иттилоъ доданд, вакилон аз моҳи октябри соли равон бо оғози иҷлосияи чоруми Маҷлиси намояндагон ба фаъолият шурўъ менамоянд. Маҷлиси намояндагон- палатаи поёнии парлумони мамлакат ва ҳамзамон палатаи касбии доимоамалкунанда буда, аз соли 2000 –ум инҷониб фаъолият дорад. Палатаи мазкур аз 63 вакил иборат аст ва онҳо ба муддати 5 сол интихоб мегарданд.