Варзиш-зидди мухаддирот

Душанбе, 26 июл. (АМИТ «Ховар», Мавҷуда Анварӣ). — Аз 25 то 27 июли соли ҷорӣ дар маҷмааи варзишии «Чемпион»-и ноҳияи Ҷаббор Расулови вилояти Суғд зери шиори «Варзиш-зидди мухаддирот» мусобиқаи варзишии байналмилалӣ оид ба муҳорибаи тан ба тан оғоз ёфта идома дорад.Дар маросими кушодашавии мусобиқа намояндагони Агентии назорати маводи нашъаовари назди Президенти Ҷумҳурии Тоҷикистон, Федератсияи миллии муҳорибаи тан ба тани ҶТ ва Агентии Олмон оид ба ҳамкорӣ (GIZ), ки ба ҳайси ташкилкунандагони мусобиқа иштирок доранд, дар назди ҷамъомадагон ва варзишгарон сухан гуфтанд.Дар ин муҳориба варзишгарони синни 13 -18 солаи кишварҳои Тоҷикистон, Қазоқистон, Қирғизистон ва Ӯзбекистон иштирок доранд.Мақсади чорабинӣ аз тарғиби тарзи ҳаёти солим, ташаккули муносибати манфӣ ба маводи мухаддир, ҷалби ҷавонон ба машғулиятҳои фаъоли варзишӣ, инчунин равнақ додани муҳорибаи тан ба тан иборат мебошад.