Воридшавии сармоя кам шуд

Душанбе, 20 июл. (АМИТ «Ховар», Лаззат Диловарзод).- Тибқи маълумоти Агентии омори назди Президенти ҷумҳурӣ, дар моҳҳои январ-июни соли 2012 сармоягузорӣ дар ҳамаи минтақаҳои ҷумҳурӣ 1 млрд. 707,1 млн. сомониро ташкил дод. Ин дар мавридест, ки дар ҳамин давраи соли 2011 воридшавии сармоя дар ҳамаи минтақаҳои ҷумҳурӣ ба 1 млрд.929,6 млн. сомонӣ расида буд.Ба иттилои манбаъ, дар давоми шаш моҳи аввали соли ҷорӣ барои таҷдид ва барқарорсозии роҳи мошингарди Душанбе -Турсунзода ба маблағи 73,4 млн.сомонӣ, аз ҷумла 1,9 млн. сомонӣ маблағҳои давлатӣ ва корхонаю ташкилот ва 71,5 млн. сомонӣ сармояи хориҷӣ азхуд карда шудааст.Дар моҳҳои январ-июн дар ҳудуди ВМКБ 31 млн.сомонӣ (дар соли 2011 42,5 млн.сомонӣ), дар вилояти Хатлон-442,9 (дар соли 2011 382,7 млн. сомонӣ), дар вилояти Суғд-267,1 (дар соли 2011 445,7 млн.сомонӣ), дар шаҳри Душанбе-314,9 (дар соли 2011-491) ва дар ноҳияҳои тобеи ҷумҳурӣ 651,2 млн.сомонӣ сармояи хориҷӣ дохил гардидааст, ки нисбат ба ҳамин давраи соли 2011 ба андозаи 222,5 млн. сомонӣ камтар аст.Сабаби кам шудани сармоягузории хориҷиро дар шаҳри Душанбе ва вилояти Суғд дар камманфиатӣ барои сармоягузорон медонанд. Сармоягузории асосӣ ба сохтмони роҳ, алоқаю нақлиёт,таъмири нақлиёт ва сохтмони меҳмонхонаҳо ҷалб гардидааст.