Ғалабаи футболбозони тоҷик

Душанбе, 30 август.(АМИТ «Ховар»).- Дастаи Мактаби ҷумҳуриявии маҳорати олии варзишӣ оид ба футбол дар мусобиқоти байналмилалӣ байни кӯдакони соли таваллудашон 1998-1999, ки аз 17 то 21 август дар шаҳри Уши Қирғизистон баргузор гардид, ғолиб омад. Дар ин мусобиқот дастаҳои Тоҷикистон,Ӯзбекистон, Қазоқистон ва Қирғизистон иштирок доштанд. Футболбозони ҷавони тоҷик бо роҳбарии мураббӣ Зайниддин Раҳимов дар панҷ вохӯрӣ 11 хол ба даст оварда, мақоми аввалро касб намуданд. Ҷойҳои дуюм ва сеюм насиби футболбозони Қирғизистон гардиданд. Дар ин бора аз Федератсияи футболи Тоҷикистон ба АМИТ «Ховар» хабар доданд.