Ғарқшудагон ҳанӯз ёфт нашудаанд

Душанбе, 27 август. (АМИТ «Ховар», Мавҷуда Анварӣ). — 26-уми август дар километри 110-уми роҳи мошингарди Душанбе-Хуҷанд садама ба амал омад, ки бар асари он панҷ нафар, аз ҷумла ду ноболиғ ба ҳалокат расид.Cадамаи фоҷеабор дар қаламрави ноҳияи Айнӣ рух додааст. Ронандаи мошини тамғаи «Mercedes-Benz» Даврон Набиеви 26-сола аз ӯҳдаи идораи воситаи нақлиёт набаромада, ба самти муқобили ҳаракат мебарояд ва ба мошини тамғаи «Mitsubishi» таҳти идораи Бахтиёр Абдуллоеви 41-сола бармехӯрад.Дар натиҷаи ин бархӯрд мошини «Mercedes» ба рӯдхонаи Фондарё сарозер рафта, ронанда ва мусофирони он – Таҳмина Холматоваи 35-сола, Саида Ғафуроваи 15-сола, Парвина Ғафуроваи 5-сола ва Ҷаҳонгир Ғафуров дар дарё ғарқ шудаанд.Дар айни замон ҷиҳати дарёфт ва берун овардани ҷасади фавтидагон тадбирҳо андешида мешаванд.