Қарзҳои нави бебозгашти Бунёди ҷаҳонӣ

Душанбе, 29 август. (АМИТ «Ховар», Покиза Маҳмадбекова).- Бунёди ҷаҳонӣ оид ба муборизаи зидди БПНМ (бемории пайдошудаи норасоии масуният), бемории сил ва вараҷа барои 37 кишвар 45 қарзи нави дусолаи бебозгаштро тасдиқ намуд, ки маблағи умумиашон 419 миллиону 200 ҳазор долларро ташкил медиҳад. Тавре ки Маркази навигариҳои СММ хабар медиҳад, аз ин маблағҳо муассисаҳои тандурустии Русия, Тоҷикистон ва Ӯзбекистон низ бархурдор мешаванд. Маблағҳои қарз барои ҷилавгирӣ, муолиҷа ва нигоҳубини шахсони мубталои бемориҳои зикршуда мавриди истифода қарор мегиранд. Бунёди ҷаҳонӣ дар давраи мавҷудияташ барои беш аз 150 кишвар ҷиҳати дастгирии барномаҳои ҷилавгирӣ ва муолиҷаи ин бемориҳо 23 миллиард доллари амрикоӣ ҷудо кардааст.