Қитъаи замин — 3000 доллар

Август 8, 2012 09:10

Душанбе, 8 август. (АМИТ «Ховар», Мавҷуда Анварӣ). — Ба мақомоти Вазорати корҳои дохилӣ дар ноҳияи Шоҳмансур Раҳмиддин Мирванҷович Имомиддинови 56 сола, сокини ноҳияи Ванҷ, деҳаи Рохарв муроҷиат намудааст, ки моҳи майи соли 2010 Хуршед ном шахс бо роҳи фиреб ба бовариаш даромада, аз ӯ 3000 доллари амрикоӣ гирифта, ваъда додааст, ки ба ӯ дар шаҳри Душанбе дар маҳаллаи «Ховарон» қитъаи замин бо ҳуҷҷатҳои манзили истиқоматӣ тайёр карда медиҳад, аммо маблағро гирифта, ба манфиати худ сарф намудааст. Ҳангоми гузаронидани чораҳои фаврию ҷустуҷӯӣ Хуршед Раҳмонович Қутбиддинови 41 сола, сокини ноҳияи Рӯдакӣ дастгир карда шуд ва ҳоло ӯ зери тафтиш қарор дорад.Тибқи иттилои Агентии назорати давлатии молиявӣ ва мубориза бо коррупсияи кишвар дар давоми нимсолаи аввали соли ҷорӣ ҷиҳати пешгирии хариду фурӯш, истифодаи ғайриқонунии замин ва дигар омилҳои коррупсионӣ ҳангоми тақсими замин тадбирҳои мақсаднок андешида шуда, 55 ҷинояти хусусияти коррупсионидошта ошкор шуда, мавриди санҷиш ва тафтиши пешакӣ қарор дода шуд. Ҷиноятҳои зикргардида дар ҳудуди вилояти Хатлон 25-ҳолат, дар вилояти Суғд 8-ҳолат, дар шаҳри Душанбе 4-ҳолат ва дар ноҳияҳои тобеи ҷумҳурӣ 18-ҳолат ошкор ва ба қайд гирифта шудаанд.

Август 8, 2012 09:10

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд