Ҳалокати 27 нафар бар асари садама

Душанбе, 28 август. (АМИТ «Ховар», Музаффари Рустам) .-Аз 19 то 26 августи соли ҷорӣ дар роҳҳи мошингарди ҷумҳўрӣ 52 садамаи нақлиётӣ ба қайд гирифта шудааст, ки бар асари онҳо 27 нафар ба ҳалокат расида, 62 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардидаанд.Аз ҷумла, дар ноҳияи Ховалинг 24 августи соли 2012 соати 17.30 ронандаи мошини тамғаи «ВАЗ-21011» Алишер Мирзоев, соли таваллудаш 1988, ҳангоми ҳаракат дар деҳаи Шеҳмизон пиёдагарди ноболиғ Иброҳимов Нурмаҳмади шашсоларо зер мекунад, ки дар натиҷа пиёдагарди ноболиғ ҷароҳати ҷисмонӣ бардошта, дар беморхона ба ҳалокат мерасад. Бештари ин садамаҳо бо сабаби истифода набурдан аз ҷойҳое, ки дар он ҷо аломати пиёдагард насб шудааст, убури роҳ аз ҷойҳои номуайян, истифода набурдан аз роҳҳои бехавфи зеризаминӣ аз тарафи пиёдагардон рух додаанд. Дар ин бора аз шӯъбаи ташвиқоту тарғиботи Раёсати Бозрасии Давлатии автомобилии Вазорати корҳои дохилии ҶТ Маҳмадшариф Шамсов иттилоъ дод.