Ҳалокати 6 нафар ронанда дар садама

Душанбе, 6 август. (АМИТ «Ховар», Музаффари Рустам). — Аз 30 июл то 5 августи соли ҷорӣ дар роҳҳои мошингарди ҷумҳурӣ 22 садамаи роҳу нақлиёт ба қайд гирифта шудааст, ки бар асари онҳо 6 нафар ба ҳалокат расида, 24 нафари дигар бо ҷароҳатҳои гуногуни ҷисмонӣ дар беморхонаҳо бистарӣ гардидаанд. Аз таҳлили садамаҳои рухдодаи роҳу нақлиётӣ бармеояд, ки аксари ин ҳодисаҳо дар шаҳри Хуҷанду Истаравшан ва ноҳияҳои Фархору Восеъ ба вуқўъ омадаанд. Бештари ин садамаҳои роҳу нақлиёт бо айби пиёдагардон, яъне якбора баромадан ба самти муқобили ҳаракат, убур намудани роҳ аз ҷойҳои номуайян, ҳангоми ҳаракат аз роҳҳои бехавфи зеризаминӣ истифода набурдани онҳо сар задааст. Дар ин бора корманди шӯъбаи ташвиқоту тарғиботи Раёсати Бозрасии давлатии автомобилии Вазорати корҳои дохилии ҶТ Маҳмадшариф Шамсов иттилоъ дод.