Ҳалокати ду ноболиғ дар садамаи нақлиётӣ

Душанбе, 9 август. (АМИТ «Ховар», Фирӯза Давлатова). – Дар вилояти Суғд ду кӯдаки ноболиғ қурбони садамаи нақлиётӣ шуд. Тавре ки аз Вазорати корҳои дохилии ҷумҳурӣ иттилоъ доданд, садама дар ҳолате рух додааст, ки ронандаи мошини боркаши ЗИЛ Муқим Қодирови 35-сола ҳангоми ҳаракат дар роҳи мошингарди ҷамоати Овчӣ- Қалъачаи ноҳияи Ҷаббор Расулов аз ӯҳдаи таъмини бехатарии ҳаракат дар роҳ набаромада, дар натиҷа ду духтарчаи 7-соларо бо мошин пахш мекунад, ки ноболиғон дар ҷойи ҳодиса ба ҳалокат мерасанд.