33 ҷиноят аз тарафи кормандони мақомоти корҳои дохилӣ

Душанбе, 2 август. (АМИТ «Ховар», Лутфия Эшонқулова).- Дар нимсолаи аввали соли ҷорӣ аз тарафи 31 нафар корманди мақомоти корҳои дохилии ҶТ 33 ҷиноят содир карда шудааст, ки нисбат ба ҳамин давраи соли гузашта 12 ҳолат кам мебошад.Вазири корҳои дохилии Ҷумҳурии Тоҷикистон Рамазон Раҳимов дар ҷамъбасти фаъолияти мақомоти корҳои дохилӣ дар нимсолаи аввали соли 2012 нисбат ба ин масъала изҳори нигаронӣ намуда афзуд, ки агарчӣ нисбат ба ҳамин давраи соли гузашта ва шумораи кормандони ҷинояткор 9 нафар кам гардидааст, вале ин моро қонеъ намегардонад.Ба сабаби зуҳури чунин ҳолатҳо 153 нафар корманд бо сабабҳои манфӣ барои вайрон намудани шартҳои қарордод, 57 нафар барои содир намудани амале, ки ба шаъну шарафи корманди мақомот доғ меорад, 61 нафар барои вайрон намудани интизоми хизматӣ ва 7 нафар баъди ба қувваи қонунӣ даромадани ҳукми суд аз мақомоти корҳои дохилӣ озод карда шуданд.