Афзоиши истеҳсоли маҳсулот дар Ашт

Ашт, 22 август.(АМИТ «Ховар», Мирзалӣ Амонов).-Матлуботчиёни ноҳияи Ашт дорои 5 гектар замини хоҷагии ёрирасон буда, дар он зироати полезӣ- харбузаю тарбуз корида, ҳосили фаровон мегиранд. Ҳамзамон дар ин қитъаҳо дар кишти такрорӣ сабзӣ, турбу шалғам парвариш мешавад. Аз ҳамин ҳисоб соли дуюм аст, ки аҳолиро бо маҳсулоти кишоварзӣ таъмин мекунанд. Истифодаи замин ва истеҳсоли маҳсулоти кишоварзӣ ба Иттифоқи матлубот даромад меорад. Соли дуюм аст, ки Иттифоқи матлуботи ноҳияи Ашт дар ярмарка-фурӯши маҳсулот, ки дар шаҳрҳои вилояти Суғд доир мешавад, маҳсулоти худиро ба фурӯш мебароранд.