Афзоиши моҳипарварӣ дар ҷумҳурӣ

Душанбе, 1 август. (АМИТ «Ховар». Фирӯза Давлатова).- Моҳипарварӣ дар кишвар нисбат ба моҳҳои январ-июни соли 2011 15 фоиз зиёд гардидааст, ки дар 2012 2,3 млн. сомониро ташкил медиҳад. Ҳаҷми умумии сайди моҳӣ 37,6 фоиз, намуди пешониғафси сафед 12,5 фоиз, зағорамоҳӣ 49,9 фоиз, сайди моҳӣ дар умум 195,1 тоннаро ташкил медиҳад. Тибқи иттилои Агентии омори назди Президенти ҶТ дар Ҷумҳурии Тоҷикистон 114,1 гектар ҳавзи моҳипарварӣ сохта шудааст, ки 103,6 гектар дар вилояти Хатлон, 0,7 гектар дар вилояти Суғд ва 9,8 гектари он дар ноҳияи Ваҳдат мавриди истифода қарор дорад. Ҳамчунин қайд кардан ба маврид аст, ки хароҷоти истеҳсоли хоҷагиҳо барои парвариши моҳӣ ва корҳои илмию тадқиқотӣ 1129,2 ҳазор сомониро ташкил додааст.