Афзоиши сармоягузорӣ дар шаш моҳ

Душанбе, 3 август. (АМИТ «Ховар», Фирӯза Давлатова).- Тибқи иттилои Агентии омори назди Президенти ҶТ дар шаш моҳи охир маблағи сармоягузорӣ 1707,1 млн. сомониро ташкил додааст, ки нисбат ба соли 2011 72,9 фоиз зиёд мебошад. Ҳаҷми асосии сармоягузорӣ дар сармояи асосӣ аз тарафи корхона ва ташкилотҳо аз ҳисоби маблағҳои давлатӣ 893,3 млн. сомонӣ ё 52,3 фоиз, саҳомӣ- 38,3 млн. сомонӣ ё 2,2 фоиз, аҳолӣ- 108,6 млн. сомонӣ ё 6,4 фоиз, корхонаҳои шахсӣ- 84,9 млн. сомонӣ ё 5 фоиз, корхонаҳои хориҷӣ- 394,1 млн. сомонӣ ё 23,1 фоиз, корхонаҳои муштарак- 73 млн. сомонӣ ё 4,3 фоиз, ҷамъиятҳои масъулияташон маҳдуд- 111,8 млн. сомонӣ ё 6,5 фоиз, хоҷагиҳои деҳқонӣ-2,2 млн сомонӣ ё 1 фоиз, Тоҷикматлубот-9 млн. сомонӣ ё 1 фоизро ташкил медиҳад. Инчунин фондҳои асосӣ аз ҳисоби маблағҳои давлатӣ 399,7 млн. сомонӣ ё 57,6 фоиз, саҳомӣ- 14,7 млн. сомонӣ ё2,1 фоиз, аҳолӣ- 108,3 млн. сомонӣ ё 15,6 фоиз, корхонаҳои шахсӣ- 66,6 млн. сомонӣ ё 9,6 фоиз, корхонаҳои муштарак- 38,1 млн. сомонӣ ё 5,5 фоиз, ҷамъиятҳои масъулияташон маҳдуд- 54,1 млн. сомонӣ ё 7,8 фоиз, хоҷагиҳои деҳқонӣ-2,1 млн сомонӣ ё 3 фоиз, Тоҷикматлубот-3 млн. сомонӣ ё 1 фоизро дар бар мегиранд.