Аёдати маъюбон ва собиқадорони Қайроққум

Қайроққум, 13 август. (АМИТ «Ховар», Мирзалӣ Амонов).-Роҳбарият ва ҳайати шахсии шӯъбаи корҳои дохилии шаҳри Қайроққум иқдом намуданд,ки дар рӯзҳои мубораки моҳи Шарифи Рамазон оилаҳои ниёзманд, собиқадорони мақомоти корҳои дохилӣ ва ашхоси маъюбу мӯҳтоҷ, яккаву танҳо ва бепарасторро аёдат намуда ба онҳо кӯмаки моддӣ расонанд.Бо ин мақсад дар толори шӯъбаи корҳои дохилии ш.Қайроққум роҳбарият ба собиқадорони ва бархе аз кормандони шӯъба маводи ғизои аз қабили орду равған шакару биринҷ ва дигар маҳсулоти ниёзи аввал супориданд.Ҳамчунин дар ин рӯз ба чанд оилаҳои маъюбу маҷрӯҳ ва ниёзманди шаҳр низ кӯмакҳои ғизоӣ расонда шуд,ки аз ин иқдом аъзоёни оилаҳои онҳо шод гардиданд.