Аз Хоруғ баровардани афсарону сарбозон оғоз гардид

Хоруғ, 13 август. (АМИТ «Ховар», Л.Додо ). – Тавре ки аз дафтари матбуоти мақомоти маҳаллии ҳокимияти давлатии ВМКБ хабар доданд, аз шаҳри Хоруғ баровардани ҷанговарони Артиши миллӣ оғоз гардид. Рӯзи 10 — уми август як гурӯҳ афсарону сарбозони нерӯҳои мусаллаҳи кишвар, ки ба хотири мӯътадил гардонидани вазъи шаҳри Хоруғ сафарбар шуда буданд, ба мавзеъҳои мустақари қаблии хеш баргаштанд. Ин нерӯҳо аз 23 – июл то 10 август дар маркази вилоят мустақар буданд.  Вазири мудофиаи ҷумҳурӣ генерал – лейтенант Шералӣ Хайруллоев иброз дошт: «мо дар якҷоягӣ бо мақомоти маҳаллии ҳокимияти давлатии вилоят, шаҳри Хоруғ ва худи мардуми Бадахшон тавонистем, ки вазъи Хоруғро мӯътадил гардонем». Вазири мудофиа инчунин изҳор дошт, ки то ба имрӯз садҳо адад аслиҳа, аз қабили автомати Калашников, пулемёт, камонҳои снайперӣ, тиру туфанги гуногун ва садҳо кг маводи тарканда ба таври ихтиёрӣ супорида шуд.