Баистифодадиҳии 200 иншооти ҷашнӣ дар Суғд

Душанбе, 9 август. (АМИТ «Ховар», Бекназари Абӯбакр). — Дар вилояти Суғд омодагӣ ба чорабиниҳои сиёсӣ бахшида ба 20-солагии Иҷлосияи 16-уми Шӯрои Олии Ҷумҳурии Тоҷикистон идома дорад.Хадамоти матбуоти раиси вилояти Суғд иттилоъ медиҳад, ки дар ҳафт моҳи соли ҷорӣ дар шаҳру навоҳии вилояти Суғд сохтмони 78 ҳазору 475 метри мураббаъ иншооти манзилӣ анҷом дода шуда, даҳҳо километр хатти оби нӯшокӣ таъмир шудааст.Ҳамчунин зиёда аз 30 километр роҳҳои мошингарди ҳудуди вилоят мумфарш шуда, то таҷлили 20-солагии Иҷлосияи 16-уми Шӯрои Олии Ҷумҳурии Тоҷикистон 200 иншооти ҳаётан муҳим мавриди истифода қарор дода мешавад.Ёдовар мешавем, ки ҳаҷми корҳои пудратии то имрӯз иҷрошуда беш аз 128 миллион сомониро ташкил медиҳад.