Баргузории чорабинии мақсадноки “Бачаҳо” дар Душанбе
Душанбе, 28 август. (АМИТ «Ховар», Сарвинози Рӯҳуллоҳ). – Бо мақсади пешгирии ҳодисаҳои роҳу нақлиёт миёни кӯдакону ноболиғон ва оғози соли нави хониши 2012-2013 аз 25 август то 3 сентябри соли равон дар шаҳри Душанбе чорабинии мақсадноки “Бачаҳо” гузаронида мешавад. Дар ин бора ба АМИТ Ховар Шерафган Латифов, сардори маркази матбуоти шӯъбаи БДА раёсати ВКД дар шаҳри Душанбе, подполковники милитсия хабар дод. Ба гуфтаи манбаъ барои дар сатҳи баланд таҷлил намудани он нақшаву чорабиниҳои махсус тартиб дода шудааст. –Аз ҷумла , бахшида ба рӯзи дониш дар ҳафт мактаби шаҳри Душанбе, афсарони шӯъбаи БДА, ротаи хадамоти роҳбонӣ ва бахшҳои БДА-и шаҳри Душанбе сафарбар шуда, мақсади баргузории чорабини ба хонандагон фахмонида мешавад,-гуфт манбаъ. Маврид ба зикр аст, ки аз аввали соли ҷорӣ то имрӯз дар ҳудуди шаҳри Душанбе бо иштироки кӯдакону наврасони то синни 16-сола, 56 ҳодисаи роҳу нақлиёт ба қайд гирифта шудааст. Тибқи иттилои расида бар асари ин садамаҳо 8 нафар ноболиғ ба ҳалокат расида, 52 нафари дигар ҷарроҳати гуногуни ҷисмонӣ бардоштаанд. Аз микдори умумии ҳодисаҳои роҳу нақлиёт дар давоми 7 моҳу 20 рӯзи соли равон, 31 ҳодиса бевосита бо иштироки хонадагони мактабҳои таҳсилоти умумӣ рух дода, 5 нафар ба ҳалокат расида, 30 нафари дигар бо ҷарроҳатҳои гуногун дар беморхонаҳо бистарӣ шудаанд








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






