Баррасии масоили иқтисодии Тоҷикистону Қазоқистон

Душанбе, 9 август. (АМИТ «Ховар», Бекназари Абӯбакр). — Ҷараёни рушди ҳамкориҳои иқтисодиву сармоягузории Тоҷикистону Қазоқистон зимни мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов ва Сафири Қазоқистон дар Тоҷикистон Агибай Смагулов баррасӣ гардид.Аз Кумитаи мазкур ба АМИТ «Ховар» иттилоъ доданд, ки дар ҷараёни мулоқот масоили баргузории ҷаласаи навбатии Комиссияи байниҳукуматии Тоҷикистону Қазоқистон оид ба ҳамкориҳои иқтисодӣ дар шаҳри Душанбе, иҷрои қарордодҳои ҷаласаи пешини Комиссияи мазкур, фаъолияти Фонди сармоягузориҳои мустақими Тоҷикистону Қазоқистон ва амсоли инҳо низ мавриди муҳокима қарор гирифтанд.