Баррасии масоили тарбияи ватандӯстии ҷавонон дар ҷаласаи Шӯро

Душанбе, 9 август. (АМИТ «Ховар», Дилшодаи Хайруллоҳ).- 10 августи соли равон, соати 10:00 дар толори дастгоҳи марказии Кумитаи ҷавонон, варзиш ва сайёҳии назди Ҳукумати ҶТ ҷаласаи Шӯрои ҷумҳуриявии байнисоҳавии ҳамоҳангсози тарбияи ватанпарастии ҷавонони Тоҷикистон баргузор мегардад. Дар ҷаласа нақшаи кории Шӯро барои нимсолаи дуюми соли 2012, ҷараёни иҷрои «Барномаи давлатии тарбияи ватандӯстии ҷавонони Тоҷикистон барои солҳои 2011-2013» дар нимсолаи аввали соли 2012, тадбирҳои дар самти тарбияи ватандӯстии ҷавонон дар системаи маорифи кишвар, танзими фаъолияти толорҳои видео, фурӯшгоҳҳои фиттаҳои видео, пешгирии намоиши филмҳое, ки мазмуни тарбиявӣ надоранд ва фаҳшу зӯровариро тарғиб менамоянд, таҳия ва пахши барномаҳои беҳтарини телевизионӣ ва радиоӣ дар бахши тарбияи ватандӯстии ҷавонон андешидашуда, натиҷагирӣ аз иҷрои Фармони Президенти Ҷумҳурии Тоҷикистон аз 13 марти соли 2012 ҷиҳати даъвати шаҳрвандони солҳои таваллуди 1985 – 1994 ба хизмати ҳарбӣ, роҳҳои мусоидат дар рушди ҳаракати ҷавонон-ихтиёриён вобаста ба ҷалби онҳо ба хизмати ҳарбӣ (даъвати навбатӣ) мавриди баррасӣ қарор хоҳад гирифт.