Бозгашти варзишгарони тоҷик аз Лондон

Август 15, 2012 09:01

Душанбе, 15 август. (АМИТ «Ховар»). — Имшаб расо соати 1:00 аз тариқи сайрхати Киев – Душанбе ҳайати варзишгарони тоҷик баъди иштирок дар Олимпиадаи 30- юми тобистонаи Лондон-2012 ба пойтахт фуруд меоянд. Имшаб ягона барандаи медали олимпиадаи имсола- варзишгари ҷавону ояндадор, боксчии умедбахши тоҷик Мавзуна Чориеваро ҳазорҳо мухлисону дӯстони қадрдонаш бо ифтихору сарфарозӣ истиқбол мегиранд.Намояндагони тамоми воситаҳои ахбори омма низ ба истиқболи Мавзуна омодагӣ мебинанд. Нахустин нишасти матбуотӣ бошад бо натиҷагирӣ аз олимпиадаи Лондон пагоҳ, 16-уми август дар Китобхонаи миллӣ баргузор хоҳад шуд. Шоми ҳамон рӯз, яъне 16 август соати 20:00 дар боғи миллии пойтахт воқеъ дар гардиши Лучоб барномаи идона бо ширкати иштирокчиёни олимпиада, роҳбарияти шаҳри Душанбе, Кумитаи кор бо ҷавонон, варзиш ва сайёҳии назди Ҳукумати ҶТ ва ситораҳои эстрадаи тоҷик дар назар аст. Масъулин ин ҷашнро тантанаи бошукӯҳу хосса ба ифтихори дастоварди пурарзиши Мавзуна Чориева арзёбӣ мекунанд.

Август 15, 2012 09:01

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд