Бозомӯзии кормандони «Амонатбонк»
Душанбе, 30 август. (АМИТ «Ховар», Покиза Маҳмадбекова). — Барои гузаштан ба тавозуни ягона Раёсати БДА ҶТ «Амонатбонк» тасмим гирифт, то кормандони марказҳои хизматрасонӣ (оҷонсиҳо) барои пурра азхуд намудани барномаҳои гуногуни компютерӣ ҳафтае ду маротиба дар курсҳои махсуси такмили ихтисоси Вазорати маорифи ҶТ дарс гузашта, дониши худро такмил диҳанд. Бояд гуфт, ки дар маркази такмили ихтисос онҳо бештар аз барномаҳои компютерии Word,Exzel,Rs-bank дарсҳои амалию таҷрибавӣ гузашта, дар оянда барои кор кардан дар тавозуни ягона дониши худро такмил медиҳанд. Албатта, дар ин самт роҳбарияти бонк нақша дорад, ки дар як муддати муайян ҳамаи кормандони марказҳои хизматрасонии филиалҳои «Амонабонк»-ро ба омӯзиш дар ин марказҳо ҷалб намояд. Аз рӯи иттилои бонки мазкур, онҳо пас аз хатми курси такмили ихтисос ва супоридани имтиҳон соҳиби сертификати махсус мегарданд. Мӯҳлати таҳсил ин ҷо 3 моҳро дар бар мегирад ва гурӯҳ тайёрӣ ба имтиҳон супориро дорад. Раёсати бонк нақша дорад, то кормандони марказҳои хизматрасонӣ (оҷонсиҳо)-и навоҳии тобеи марказро низ рӯзҳои наздик ба ин курсҳо ҷалб намояд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
