Чанд хабар аз хориҷи кишвар

Мубориза байни ду ширкати аврупоӣДушанбе, 29 август. (АМИТ «Ховар»).- Ширкати Кореяи Ҷанубӣ фурўши компютерҳои планшетиии «Гэлекси Ноут»-ро оғоз бахшид. Компютер бо протсессори чорядроӣ, 2 гигабайта, хотираи фаврӣ, инчунин стилус, ки имконияти якбора бо ду барнома кор карданро медиҳад, муҷаҳҳаз аст. Таҳлилгарон мегӯянд, ки ширкати «Самсунг» тавассути «Гэлекси Ноут 10.1» метавонад ба рақиби амрикоиаш наздик шавад.Ба гуфти расонаҳои хабарии Кореяи Ҷанубӣ мубориза байни ду ширкати истеҳсолкунандаи техникаи маишиву электронӣ- «Самсунг» ва «Эппл» то ҳол идома дорад.Вале ширкати «Эппл», ки ҳиссаи фурўши компютерҳои планшетиаш дар бозори ҷаҳонӣ 64 дарсадро ташкил мекунад, пешсаф аст. Ҳиссаи «Самсунг» ҳамагӣ ба 10 дарсад баробар аст.Ҳалокати 11-нафар дар АфғонистонДушанбе, 29 август. (АМИТ «Ховар»).- Дар Афғонистон бар асари суқути чархбол 11 нафар ба ҳалокат расид. Фоҷиаи мазкур дар қисми ҷанубии Афғонистон дар минтақаи Шоҳ Валикути музофоти Қандаҳор ба амал омадааст. Ба иттилои Вазорати корҳои дохилӣ ҳафт тан аз фавтидагон низомиёни НАТО мебошанд. Ҳангоми парвоз сарбозони Артиши давлатӣ ва як нафар тарҷумони Афғонистон низ дар дохили чархбол будаанд.Ба маълумоти васоити ахбори оммаи кишвар масъулияти ҳодисаи мазкурро силоҳбадастони Ҳаракати Толибон бар ўҳда гирифта бошанд ҳам, вале ҳукуматдорони маҳаллӣ инро инкор мекунанд. Вобаста ба ин ҳодиса тафтишот идома дорад. Тарҷумаи Иброҳими Ҳабибуллоҳ.