Дастгирии маъюбон амали хайр аст

Б.Ғафуров, 31 август. (АМИТ «Ховар», Мирзалӣ Амонов).-Яке аз самтҳои ҳифзи иҷтимоии аҳолӣ таъмин намудани шаҳрвандони маъюб бо аробачаҳои маъюбӣ мебошад. Дар давоми соли ҷорӣ аз тарафи Раёсати Агентии давлатии ҳифзи иҷтимоӣ, шуғли аҳолӣ ва муҳоҷират дар ноҳияи Б.Ғафуров барои 64 нафар шахси маъюбу бепарастор аробачаҳои маъюбӣ дастрас гардиданд. Ҳамчунин ғайр аз аробачаҳои маъюбӣ ба мӯҳтоҷон, шахсони яккаву танҳо маводи хӯрокӣ, аз қабили орд, равған, макарон дастрас гардида, ба онҳо барои табобат дар осоишгоҳҳо роҳхат дода шуд.