Душанбе-Минск: вусъати нави муносибатҳои дуҷониба
Душанбе, 29 август.(АМИТ «Ховар», Покиза Маҳмадбекова).- 28 август дар шаҳри Душанбе мулоқоти сардори Раёсати Хадамоти муҳоҷирати назди Ҳукумати Ҷумҳурии Тоҷикистон Камолиддин Сайфиддинов бо муншии аввали Сафорати Ҷумҳурии Беларус дар Ҷумҳурии Тоҷикистон Андрей Боричевский баргузор гардид. Тавре ки аз Раёсати Муҳоҷирати меҳнатӣ ба АМИТ «Ховар» хабар доданд, Камолиддин Сайфиддинов дар ҷараёни мулоқот зикр намуд, ки Раёсати Хадамоти муҳоҷират дар муддати кӯтоҳи фаъолияташ кори муайянеро ҷиҳати фароҳам овардани заминаи меъёриву ҳуқуқии танзими масъалаҳои муҳоҷирати меҳнатӣ дар пойтахти кишвар анҷом дода, нақшаҳои татбиқи лоиҳаҳои ҷамъ овардан ва ба хориҷа фиристонидани муҳоҷиронро таҳия намуд. Ҷонибҳо ҳамчунин як қатор пешниҳоду дурнамои ҳамкории минбаъда дар бахши ҷамъ овардан ва ба Ҷумҳурии Беларус фиристонидани муҳоҷирони меҳнатиро мавриди муҳокима қарор доданд. Ин мавзӯъ ҳангоми сафари расмии Президенти Ҷумҳурии Беларус Александр Лукашенко ба Ҷумҳурии Тоҷикистон мавриди баррасӣ қарор гирифта, Созишномаи байниҳукуматӣ дар бораи фаъолияти муваққатии меҳнатии шаҳрвандони Тоҷикистон дар Беларус ва шаҳрвандони Беларус дар Тоҷикистон муҳокима шуда буд. Дар ҳоли ҳозир беш аз 60 нафар кормандони лаёқатманд омодаанд, ки барои иҷрои кор ба Ҷумҳурии Беларус сафар кунанд. Ҳамаи онҳо дар бахши сохтмон таҷрибаи кофӣ доранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






