Фаъолияти 137 корхона бо ангишт

Август 2, 2012 14:29

Душанбе, 2 август. (АМИТ «Ховар», Дилшодаи Хайруллоҳ). — Корхонаҳои соҳаи ангишти Вазорати энергетика ва саноати Ҷумҳурии Тоҷикистон дар ҷамъбасти шаш моҳи соли ҷорӣ истихроҷи ангиштро ба 110098 тонна расониданд, ки ин нисбат ба нақша 39213 тонна (155,3%) ва нисбат ба ҳамин давраи соли сипаригардида 45538 тонна(170,5%) зиёд мебошад. Дар давраи ҳисоботӣ 120967 тонна ангишт ба фурӯш бароварда шуда, нисбат ба ҳамин давраи соли гузашта 58859 тонна (155,4%) зиёд мебошад. Захираи ангишт бо бақия дар анборҳо ва нуқтаҳои фурӯши ангишти корхонаҳои соҳа 37300,59 тоннаро ташкил медиҳад. Воридоти ангишт то санаи 1 июли соли ҷорӣ 6815,2 тоннаро ташкил медиҳад. Содироти ангишт ба хориҷи кишвар тибқи Фармоиши Ҳукумати Ҷумҳурии Тоҷикистон аз 30 апрели соли 2012 манъ карда шудааст.Дар айни замон миқдори корхонаҳои саноатие, ки ба истифодаи ангишт гузаштаанд, дар соҳаҳои маводи сохтмонӣ- 80 адад, филизгудозӣ-28 адад, хӯрокворӣ- 21 адад, истеҳсоли семент- 6 адад, истеҳсоли шиша-1 адад ва истеҳсоли алюминий як адад буда ва талабот бо ангишт дар соли 2012 зиёда аз 200 ҳазор тоннаро ташкил медиҳад. Дар ҷумҳурӣ мувофиқи маълумоти пешниҳоднамудаи мақомоти иҷроияи маҳаллии ҳокимияти давлатии вилоятҳо, шаҳру ноҳияҳо то 1 июли соли 2012 зиёда аз 1537 адад нуқтаи фурӯши ангишт бо захираи 32376,1 тонна, аз ҷумла дар вилояти Суғд-701 адад, дар Хатлон 448 адад, дар ВМКБ- 62 адад, дар НТҶ ва шаҳри Душанбе 326 адад фаъолият доранд. Дар ин бора ба мухбири АМИТ «Ховар» аз Вазорати энергетика ва саноати Ҷумҳурии Тоҷикистон иттилоъ доданд.

Август 2, 2012 14:29

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд