Хонандагон истироҳат мекунанд

Бадахшон, 18 август. (АМИТ «Ховар», Л. Додо).-Сардори раёсати маорифи вилоят Ғарибшоҳ Ғарибшоев дар як нишаст иттилоъ дод, ки иллати асосии поин рафтани сатҳи маънавиёти кӯдакону наврасон ба тарбияи волидон вобаста аст, зеро имрӯз таълиму тарбияи наврасон комилан ба дӯши модарон афтодааст. Бештари падарон дар муҳоҷирати меҳнатӣ мебошанд ва вазифаи худро танҳо дар таъмини хонавода бо ғизову пӯшокӣ медонанд. Ба қавли сардори раёсати маориф дар макотиби вилоят бештар аз 45 ҳазор хонанда ба таълиму тарбия фаро гирифта шудаанд ва дар фасли тобистон танҳо 6 ҳазори онҳо имкони дар лагерҳо истироҳат карданро пайдо мекунанд.. Аз нисф бештарашон дар кӯча мемонанд.