Имзои Протокол барои вуруди Тоҷикистон ба СУС

Душанбе, 1 август. (АМИТ «Ховар», Мавҷуда Анварӣ). – Дирӯз дар Женева маросими имзои Протоколи мувофиқати дуҷониба байни Ҷумҳурии Тоҷикистон ва Ҷопон дар бораи ворид шудани Ҷумҳурии Тоҷикистон ба Созмони умумиҷаҳонии савдо (СУС) баргузор гардид. Дар ин бора аз Вазорати корҳои хориҷии ҶТ ба АМИТ «Ховар» иттилоъ доданд. Тибқи иттилои манбаъ, санади мазкурро аз ҷониби Ҷумҳурии Тоҷикистон Салоҳиддин Насриддинов – сафир, намояндаи доимии Ҷумҳурии Тоҷикистон дар назди шӯъбаи Созмони Милали Муттаҳид дар Женева ва аз ҷониби Ҷопон Ёчи Отабе – сафир, намояндаи доимии Ҷопон дар назди созмонҳои байналмилалӣ дар Женева имзо карданд.