Кӯмак ба хона-интернати Ёвон
Душанбе, 16 август. (АМИТ «Ховар», Дилшодаи Хайруллоҳ).- 15 августи соли ҷорӣ бахшида ба Иди саиди Фитр бо иштироки кормандону бошандагони Муассисаи давлатии «Хона-интернати пиронсолон ва маъюбони ноҳияи Ёвон» ҷамъомади тантанавӣ доир гардид. Дар он аз тарафи намояндаи Вазорати кишоварзӣ ба бошандагони ин хона-интернат 2500 сомонӣ кӯмакпулӣ тақдим гардид. Бошандагони хона-интернат аз ғамхориҳои сарвари давлат Эмомалӣ Раҳмон ва кӯмакҳои ҳамешагии Вазорати кишоварзӣ миннатдоранд.
Ёдовар мешавем, ки Муассисаи давлатии «Хона-интернати пиронсолон ва маъюбони ноҳияи Ёвон» бо ташаббус ва дастгирии Ҳукумати Ҷумҳурии Тоҷикистон аз соли 1995 инҷониб фаъолият дошта, сарварии онро мутахассиси варзидаи соҳаи тандурустӣ М.Гулов ба ӯҳда дорад. Маҳз таҳти роҳбарӣ ва талошҳои пайвастаи ӯ бинои истиқоматии асосии 4 ошёна, ки хобгоҳи собиқ заводи кимиёвии ноҳияи Ёвон буд, ба тариқи бебозгашт барои кушодани хона-интернати пиронсолон ва маъюбон ҷудо гардид. Дар айни замон дар хона-интернат 133 нафар бошанда, аз ҷумла 50 нафар дар шӯъбаи кӯдакона ва 83 нафар дар шӯъбаи пиронсолону маъюбон истиқомат менамояд.Баҳри беҳдошти саломатӣ ва тавонбахшии бошандагон дар ин муассиса ҳуҷраҳои физиотерапевтӣ ва тавонбахшӣ бо тамоми таҷҳизоти зарурӣ фаъоланд. Нигоҳубини пирону маъюбонро 69 нафар корманд ба ӯҳда дорад. Дар назди хона-интернат хоҷагии ёрирасон фаъолият менамояд, ки дар он 20 оила занбӯри асал, дарахтони мевадиҳанда ва чорво парвариш мешавад.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






