Кӯмаки хайрхоҳона ба ятимон

Душанбе, 23 август. (АМИТ «Ховар»).- Ҷамъияти масъулияташ маҳдуди «Таком», ки намояндагии Beeline дар Тоҷикистон маҳсуб мешавад, ба Интернати ҷумҳуриявии ятимони ноҳияи Вахш кӯмаки хайрхоҳона расонид. Дастпарварони интернат бо маводи зарурии ғизоӣ таъмин гардиданд.Менеҷери Ҷамъияти масъулияташ маҳдуди «Таком» Мавзуна Бойева ин амали некро шаҳр дода, чунин гуфт: «Расонидани кӯмак ба насли наврас вазифаи фахрии мо ба шумор рафта ва мо саҳми худро барои рушду камолоти кӯдакон дареғ намедорем. Мо ҳамчунин бо тарбиятгирандагони мактаб-интернатҳо ва муассисаҳои кӯдакони бепарастор вохӯрда ва ба онҳо дасти ёрӣ дароз мекунем,ки ин анъанаи неки ширкати мост ».