Кӯмаки Олмон ба Тоҷикистон идома меёбад

Душанбе, 27 август. (АМИТ «Ховар», Дилшодаи Хайруллоҳ).- Вазири меҳнат ва ҳифзи иҷтимоии аҳолии Ҷумҳурии Тоҷикистон Маҳмадамин Маҳмадаминов вазири федеролии ҳамкории иқтисодӣ ва рушди Ҷумҳурии Федеролии Олмон Дирк Нибел ва ҳайати расмии ин давлатро дар Муассисаи давлатии «Маркази таълими калонсолони Тоҷикистон» қабул кард.Дар мулоқот масоили ҳамкории дуҷонибаи Тоҷикистону Олмон дар самти таълими касбии калонсолон ва рушди ҳифзи иҷтимоӣ баррасӣ шуданд.Таваҷҷӯҳи зиёд ба рушди вазъи кунунии соҳа ва такомули минбаъда зоҳир гардид.Ҷаноби Дирк Нибел аз синфхонаву сехи таъмири мошинҳо дидан карда, ба сифати таълиму таҷҳизот баҳои баланд дод ва таъкид дошт, ки ҳамкориҳо дар ин самт бояд самараноку манфиатбахш бошанд.Дар оянда Олмон кӯмаки худро ба Тоҷикистон идома медиҳад.